mediahumanrights.lk
Local News News

වැසූ දුම්රිය ගේට්ටුවෙන් රිංගු රථය දුම්රියේ හැපේ.. රියදුරා මරුට..

යාපනය කොඩිකාමම් පොලිස් වසමේ තවසිකුලම් ප්‍රදේශයේදී ඊයේ (03) සවස දුම්රිය හරස් මාර්ගයකදී කැබ් රථයක් දුම්රියේ ගැටීමෙන් සිදු වූ අනතුරින් කැබරථ රියදුරු මිය ගොස් ඇතැයි පොලීසිය පැවසීය.

යාපනයේ සිට කොළඹ බලා ධාවනනය වූ සීග්‍රගාමි දුම්රියට ඊයේ සවස තවසිකුලම් ප්‍රදේශයේ පිහිටි දුමරිය හරස් මාර්ගයකදී මෙලෙස කැබ් රථයක් ගැටී මෙම අනතුර සිදුව ඇත.

එහිදී කැබ් රථයේ රියදුරු විසින් දුම්රිය හරස් මාර්ගයේදී අනතුරු සංඥා දැල්ව තිබියදී කැබ් රථය දුම්රිය හරස් මාර්ගය හරහා ධාවනය කිරීමට උත්සහ ගනිද්දි මෙලෙස දුම්රියේ ගැටුනු බවට අසල්වාසීන් විසින් පොලීසියට පවසා තිබේ.

අනතුරින් බරපතල තුවාල ලැබූ කැබ්රථ රියදුරු චාවකච්චේරි රෝහලට ඇතුලත් කිරීමෙන් අනතුරුව මිය ගොස් ඇති අතර මෙලෙස මිය ගොස් ඇත්තේ තවසිකුලම් ප්‍රදේශයේ පදිංචි 32 හැවිරිදි තිදරු පියෙකු වූ සූසෙයිනාදන් ප්‍රදීපන් නැමැත්තෙකි.

අනතුරින් කැබ් රථයටද බරපතල හානි සිදුව තිබූ අතර කැබ්රථ රියදුරුගේ අපරික්ෂාකාරී රිය පැදිවීම හේතුවෙන් මෙම අනතුර සිදුව ඇතැයි සැකපල කරන බවටද පරික්ෂණ සිදුකරන කොඩිකාමම් පොලීසිය වැඩිදුරටත් පැවසීය.

– වන්නි රොමේෂ් මධුෂංඛ

Related posts

රථවාහන රියදුරු දඩ මුදල් ඉහලට.

Shiran Viraj

බෝට්ටුව පෙරළී 16ක් මරු වැළඳගනී-අතුරුදන් වූවන් සොයා මෙහෙයුම්

Shiran Viraj

ඒකාබද්ධ විපක්‍ෂය දෙකඩ වේ! මහින්දගේ ඉල්ලීම මායිම් නොකරයි!ඒකාබද්ධ විපක්‍ෂය දෙකඩ වේ! මහින්දගේ ඉල්ලීම මායිම් නොකරයි!

Shiran Viraj