mediahumanrights.lk
News Political

කරුණු කිහිපයක් ගැන මැතිවරණ කොමිසම අධ්‍යනයක

සෞඛ්‍ය උපදෙස් පිළිපදිමින් මහ මැතිවරණය පැවැත්වීමේ දී සලකා බැලිය හැකි විවිධ යෝජනා මේ වනවිට ඉදිරිපත් වෙමින් තිබෙනවා. මේ පිළිබඳ අදහස් දක්වමින් ජමෙයිකා තාක්ෂණ විශ්ව විද්‍යාලයේ නීති පීඨයේ පීඨාධිපති මහාචාර්ය ප‍්‍රතිභා මහානාම හේවා පැවසුවේ මහා මැතිවරණයේ ඡන්ද විමසීම එක් දිනයකදී වෙනුවට දින කිහිපයක දී පැවැත්වීමට ද සලකා බැලිය හැකි බවයි

නෙත් නිවුස් මේ සම්බන්ධයෙන් නීතිඥ ලාල් විජේනායක ගෙන් ද විමසීමක් කළා. එහිදී ඔහු පෙන්වා දුන්නේ මැතිවරණයක් තුළින් ජනතාවගේ සැබෑ මතය ප්‍රකාශ විය යුතු බවයි.

මේ අතර මහ මැතිවරණය පැවැත්වෙන දිනය කවදා විය හැකි දැයි නෙත් නිවුස් මැතිවරණ කොමිසමෙන් විමසීමක් කළා. එහි සභාපති මහින්ද දේශප‍්‍රිය පැවසුවේ අගෝස්තු මාසය අවසන් වීමට පෙර මහ මැතිවරණයේ ඡන්ද විමසීම පැවැත්වීමට හැකි වනු ඇති බවයි.

ලබාදී ඇති සෞඛ්‍ය උපදෙස් අනුව මහමැතිවරණයේ කටයුතු සිදු කළ යුත්තේ කෙසේදැයි මේ වන විට සාකච්ඡා සහ අධ්‍යයන සිදුවන බවද මෙහිදී ප‍්‍රකාශ කෙරුණා.

ඒ අනුව ඡන්ද විමසීමේ දී අනන්‍යතාව තහවුරු කර ගන්නේ කෙසේද, ඡන්දය සලකුණු කිරීමට පෑන භාවිත කළ යුත්තේ කෙසේද වැනි කරුණු කෙරෙහි ද අවධානය යොමුව තිබෙන බවයි මැතිවරණ කොමිසමේ සභාපතිවරයා පැවසුවේ.
(under the courtesy of nethnews.lk news web)

Related posts

උෂ්ණත්වය තවත් ඉහලට.. දරුවන් රැකගන්න වෛද්‍ය උපදෙස් මෙන්න..

Shiran Viraj

තවත් 48 කට කොරෝනා.. නාවුක හමුදා පොකුර තවත් ලොකුවෙයි…

Shiran Viraj

ලොව පුරා කොරෝනා මරණ එක් ලක්ෂ 34000 ඉක්මවයි-අමෙරිකාවෙන් මරණ 2500ක්

Shiran Viraj