PCR පරීක්ෂණ සිදු කරන ලෙස විවිධ මහජන කණ්ඩායම් විසින් ඉල්ලීම් කලත් එම පරීක්ෂණ එසේ ඉල්ලීම මත සිදුකරන්නක් නොව මහජන සෞඛ්‍ය අවශ්‍යතාව අනුව අදාළ අංශවල මඟ පෙන්විම යටතේ පමණක් සිදු කළ යුතු බව සෞඛ්‍ය සේවා අධ්‍යක්ෂ ජෙනරාල්වරයා පවසයි.
විශාල කාලයක් සහ මුදලක් වැය වන එම පරීක්ෂණ නිසි විද්‍යාත්මක පදනමක් අනුව සිදු කළ යුතු බව සහ දැනට එම පරීක්ෂණ රෝගීන්ගේ රෝග විනිෂ්චය තහවුරු කිරීම සඳහා සහ සමාජයේ හඳුනාගන්නා රෝගය බෝ කළ හැකි බවට සැක කරන ස්පර්ශකයින්ගේ ශරීරයේ වෛරසය තිබෙනවාද යන්න පරික්ෂා කිරීම සඳහා යොදා ගන්නා බව ඒ මහතා අවධාරණය කරයි.
මහජනයා විසින් එසේ ඉල්ලීම් කිරීම දැනට කරගෙන යන රෝග පාලන කටයුතු වලට බාධාවක් බව ලංකා ලීඩ් පර්යේෂණ ඒකකය විසින් අවධාරණය කොට ඇත.
