mediahumanrights.lk
Local NewsNews

නාවික හමුදාවෙන් පුත්තලම පොලීසියටත් විෂබීජ හරණ කුටියක්

නාවික හමුදා සමාජ මෙහෙවර ව්‍යාපෘතිය යටතේ නාවික හමුදාව විසින් නිෂ්පාදනය කරන ලද විෂබීජ හරණ කුටියක් පුත්තලම, පොලිස් ස්ථානය වෙත ලබා දී තිබේ.

නාවික හමුදාධිපති වයිස් අද්මිරාල් පියල් ද සිල්වාගේ සෘජු අධීක්‍ෂණය යටතේ ක්‍රියාත්මක කරනු ලබන නාවික හමුදා සමාජ මෙහෙවර ව්‍යාපෘතිය යටතේ වයඹ නාවික විධාන මෝටර් ප්‍රවාහන වැඩපල සහ ශ්‍රී ලංකා නාවික නෞකා තම්බපන්නි ආයතනයේ සිවිල් ඉංජිනේරු දෙපාර්තමේන්තුවේ නාවික පුද්ගලයින් විසින් නිශ්පාදනය කරන ලද විෂබීජ හරණ කුටියක් පුත්තලම, පොලිස් ස්ථානය වෙත ලබා දීම ඊයේ(15) සිදු කරන ලදි.  

විශේෂයෙන් පොලිස් ස්ථානයේ සේවය ලබා ගැනීම සඳහා දෛනිකව පැමිණෙන ජනතාවගේ සහ පොලිස් නිලධාරීන්ගේ ආරක්‍ෂාව උදෙසා මෙම විෂබීජ හරණ කුටිය ස්ථාපිත කිරීමට කටයුතු කරන ලදි.

තවද, නාවික හමුදා සමාජ මෙහෙවර ව්‍යාපෘතිය යටතේ මේ වන විට විෂබීජ හරණ කුටි කිහිපයක්ම විවිධ ස්ථාන වෙත ලබා දීමට නාවික හමුදාව මේ වන විට කටයුතු කර ඇති අතර,  කොරෝනා වෛරසය රට තුල ව්‍යාප්ත වීම මර්ධනය කිරීම සඳහා ගත යුතු සෑම පියවරක්ම ගැනීමට නාවික හමුදාව තවදුරටත් කටයුතු කර මින් සිටී.

Related posts

ශ්‍රී ලංකාව පරාජය කළ දකුණු අප්‍රිකාව එක්දින කණ්ඩායම් ශ්‍රේණිගත කිරීමේ ලේඛනයේ පළමු ස්ථානයට

Shiran Viraj

Amarican Voice මධ්‍යස්ථානය ඉක්මනින්ම COVID-19 ප්‍රතිකාර රෝහලක් බවට

Shiran Viraj

එංගලන්තය සමඟ එක්දින තරඟාවලිය වැස්සට හේදෙයිද? විශ්ලේෂණාත්මක වාර්තාව මෙන්න

Shiran Viraj
Translate »