අද(31) උදෑසන 6 සිට අද දහවල් 12 දක්වා වු කාලය තුළ ඇඳිරි නීතිය උල්ලංඝනය කළ පුද්ගලයින් 261 ක් අත්අඩංගුවට ගෙන තිබේ.
එහිදී වාහන 96 ක් ද අත්අඩංගුවට ගත් බව පොලිස් මාධ්‍ය කොට්ඨාසය පවසයි.
ඒ අනුව ඇඳිරි නීතිය පැන වු මාර්තු 20 වන දින සිට මේ දක්වා පුද්ගලයින් 7619 ක් හා වාහන 1864 ක් අත්අඩංගුවට ගෙන තිබේ.
මේ අතර, තම සේවා හැඳුනුම්පත ඇඳිරි නීති බලපත්‍රයක් ලෙස භාවිත කිරීමට අවසරලත් තැනැත්තන් සහ එම වාහන හැර ඇඳිරි නීති බලපත්‍ර නොමැතිව ප්‍රධාන මාර්ග හා අතුරු මාර්ගවල ගමන් ගන්නා සියලූම පුද්ගලයින් වරෙන්තුවක් නොමැතිව අත්අඩංගුවට ගන්නා බව ද පොලිස් මූලස්ථානය පවසයි.
(under the courtesy of adaderana.lk news web)
