mediahumanrights.lk
Local News News

ආරක්ෂක මාණ්ඩලික ප්‍රධානීව අත්අඩංගුවට ගන්න නියෝගක්

ආරක්ෂක මාණ්ඩලික ප්‍රධානී අද්මිරාල් රවින්ද්‍ර විජේගුණරත්න මහතා අත්අඩංගුවට ගෙන අධිකරණයට ඉදිරිපත් කරන ලෙස කොටුව මහේස්ත්‍රාත් අධිකරණය අපරාධ පරික්ෂණ දෙපාර්තමේන්තුවට නියෝග කර තිබේ.

එම දෙපාර්තමේන්තුවේ සමූහ මංකොල්ල විමර්ශන අංශයේ ස්ථානාධිපති පොලිස් පරික්ෂක නිශාන්ත සිල්වා මහතාට මහේස්ත්‍රාත් රංග දිසානායක මහතා නියෝග කළ බව වාර්තාකරු පැවසීය.

රවින්ද්‍ර විජේගුණරත්න මහතාට එරෙහිව මේ වන විට එල්ල වී ඇති චෝදනා අනුව ඔහු අත්අඩංගුවට ගෙන අධිකරණයට ඉදිරිපත් කිරීමේ සම්පූර්ණ බලය සිද්ධිය සම්බන්ධයෙන් විමර්ශන  සිදු කරන පොලිස් පරික්ෂක නිශාන්ත සිල්වා මහතාට පවතින බව මහේස්ත්‍රාත්වරයා පෙන්වා දී තිබේ.

අධිකරණය ලබාදුන් නියෝගය ක්‍රියාත්මක කිරීමට පියවර නොගතහොත් ඔහුට එරෙහිව ලංකා දණ්ඩනීති සංග්‍රහයේ 216 සහ 185 යන වගන්ති අනුව කටයුතු කරන බවට කොටුව මහේස්ත්‍රාත් රංග දිසානායක මහතා නියෝග කර ඇති බව සඳහන්ය.

තරුණයින් 11 දෙනෙකු පැහැරගෙන ගොස් අතුරුදන් කිරීමේ සිද්ධියේ සැකකරුවෙකු වන චන්දන ප්‍රසාද් හෙට්ටිආරච්චි යන අයට අධිකරණය මගහැර සිටිමට අධාර අනුබල ලබාදීම සම්බන්ධයෙන් ආරක්ෂක මාණ්ඩලික ප්‍රධානීවරයාට එරෙහිව චෝදනා එල්ල වී තිබේ.
(under the courtesy of adaderana.lk news web)

Related posts

එජාපය – ශ්‍රීලනිපය සහ ඒකාබද්ධ විපක්ෂය එක්ව 20 කල් යවයි

Shiran Viraj

කථානායක නිර්මාණය කළ ව්‍යවස්ථා අර්බුදයට විසඳුම මහමැතිවරණයක් පමණයි – ජාතික සංවිධානවලින් තර්කානුකූල විග්‍රහයක්

Shiran Viraj

අගමැතිගේ ගිණුමකින් මුදල් සොරකමක් සිදුව නෑ…- නාමල්

Shiran Viraj