ජනපති නිල නිවසට අගමැතිවරයා නැවත‍ත්

ජනාධිපති මෛත්‍රීපාල සිරිසේන මහතා සමග සාකච්ඡාවක් සඳහා අග්‍රාමාත්‍ය රනිල් වික්‍රමසිංහ මහතා අද (03) පෙරවරුවේ ජනාධිපති නිල නිවස වෙත පැමිණ තිබෙනවා.
අද (03) උදෑසන 9.10ට පමණ අග්‍රාමාත්‍යවරයා ජනාධිපති නිල නිවස වෙත පැමිණි බව සඳහන්.
කෙසේ වෙතත් මේවන විට කැබිනට් මණ්ඩල රැස්වීම සඳහා අග්‍රාමාත්‍යවරයා සහභාගී වී ඇති බවයි වාර්තා වන්නේ.
මේ අතර අග‍්‍රාමාත්‍ය රනිල් වික‍්‍රමසිංහ මහතාට එරෙහිව ඉදිරිපත් කර ඇති විශ්වාසභංග යෝජනාව සම්බන්ධයෙන් ඉහළ පෙලේ තවත් සාකච්ජා කිහිපයක් ඊයේ (02) රාත‍්‍රී පැවැත් වුණා. අග‍්‍රාමාත්‍යවරයා ඇතුළු එක්සත් ජාතික පෙරමුණ නියෝජනය කරන කැබිනට් අමාත්‍යවරුන් සහ ජනාධිපති මෛත‍්‍රිපාල සිරිසේන මහතා අතරයි ඉන් එක් සාකච්ජාවක් පැවැත්වුණේ.
(under the courtesy of nethnews.lk news web)