පාසල් වයසේ පසුවන , බාලවයස්කාර දැරියක් පැහැර ගෙන ගොස් රදවාගෙන සිටි මෝස්තර නිරූපන ශිල්පියෙකු යැයි කියන පුද්ගලයෙකු පිළිබවද වාර්තා වෙනවා.
පැහැරගැනීමට ලක්වූ බව කියන දැරිය , මෙම නිරූපන ශිල්පියාගේ ඥාති දියණියක් වන බවද කියැවේ. මීට වසර තුනකට පමණ ඉහත සිට දෙදෙනා අතර ප්‍රේම සම්බන්ධතාවයක් තිබි ඇති බව කියන පොලීසිය පසුගිය (27) වනදා තරුණයා දැරිය පැහැරගෙන ගොස් ඇති බව කියයි.
ඉන්පසුව සිය දියණිය නිවසේ නොමැති බව වටහා ගත් නුරාධපුර ඇලයාපත්තුව ප්‍රදේශයේ පදිංචි දැරියගේ පියා අනුරාධපුර මූලස්ථාන පොලීසියට පැමිණිලි කර තිබේ.
දැරිය පැහැර ගැනීමෙන් අනතුරුව තරුණයා අතුරුගිරියේ පිහිටි සහෝදරියගේ නිවසට ගොස් තිබෙන බවත් සහෝදරයා හා දැරිය වහාම බාරදීමට කටයුතු කරන ලෙස පොලීසිය ඇයට දැන්වුවත් නව වසරෙන් පස්සේ ගෙනත් දෙන්නම් යනුවෙන් පවසා දුරකථන ඇමතුම විසන්ධි කළ බවත් පොලීසිය කියයි. ඒ අනුව සැකකරු දැරිය රඳවාගෙන සිටින ස්ථානයට ගොස් අනුබල දුන් සහෝදරියත් සමග අත්අඩංගුවට ගැනීමට පොලීසිය පියවර ගෙන තිබේ.
අත්අඩංගුවට ගත් සැකකරු දැරියට ලිංගික අතවරයක් සිදුකර ඇත්ද යන්න අනාවරණය කර ගැනීමට දැරිය අනුරාධපුර ශික්ෂණ රෝහ‍ලේ අධිකරණ වෛද්‍යවරයා හමුවට ඉදිරිපත් කර තිබෙන බව සදහන්. නීත්‍යානුකූල භාරකාරත්වයෙන් දැරියක් අපහරණය කිරීමේ චෝදනාවට සැකකාර තරුණයා අධිකරණයට ඉදිරිපත් කිරීමට නියමිතව තිබූ අතර ඊට ආධාර අනුබල දුන් සහෝදරියත් අධිකරණයට ඉදිරිපත් කරන බව පොලීසිය පවසනවා,
(under the courtesy of nethnews.lk news web)
