අල්ලස් ගත් දොස්තර යළි රිමාන්ඩ්

අල්ලස් චෝදනා මත අත්අඩංගුවට ගත් කුලියාපිටිය මූලික රෝහලේ වෛද්‍යවරයා සහ පෞද්ගලික රසායනාගාරයක නිලධාරියා තවදුරටත් රක්ෂිත බන්ධනාගාර ගත කර තිබේ.
කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා වෙත ඉදිරිපත් කිරීමෙන් අනතුරුව ඔවුන් ලබන 24 වන දින දක්වා  රක්ෂිත බන්ධනාගාර ගත කළ බව අද දෙරණ අධිකරණ වාර්තාකරු සඳහන් කළේය.
සැකකාර වෛද්‍යවරයාගේ ජංගම දුරකථනය පිළිබඳව පරීක්ෂණයක් පැවැත්වීමට අල්ලස් කොමිසම වෙත අධිකරණය අවසර ලබාදී තිබේ.
සැකකරුවන්ගේ ඇප ඉල්ලීම ලබන 27 වනදා සලකා බලන බව  කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා ප්‍රකාශ කළ බව අධිකරණ වාර්තාකරු පැවසුවේය.
(under the courtesy of adaderana news web)