mediahumanrights.lk
Local News News

හමුදා සෙබලෙකුට බිරිඳ පහර දෙයි

තම බිරිඳ තියුණු ආයුධයකින් හිසට සිදුකළ පහරදීමක් හේතුවෙන් බරපතල තුවාල ලැබූ යුද හමුදා සෙබලෙකු ප්‍රතිකාර සඳහා ඊයේ දඹුල්ල රෝහලට ඇතුළත් කර තිබෙනවා.
සිය බිරිඳගේ පහරදීම හමුවේ ඔහු තුවාල සහිතව දඹුළු – හල්මිල්ලවැව ප්‍රදේශයේ පිහිටි යුද හමුදා කඳවුරක් අසළට පැමිණ ඇත්තේ කවුරුන් හෝ ඔහුව රෝහලකට ඇතුළත් කරනු ඇතැයි අපේක්ෂාවෙන්.
එහෙත් මෙම සෙබලා රෝහල්ගත කිරීමට කිසිවෙකු ඉදිරිපත් වී නොමැති අතර 119 පොලිස් හදිසි දුරකථන අංකයට ලද ඇමතුමකට පසු ගල්කිරියාගම පොලිස් ස්ථානයේ අපරාධ අංශයේ ස්ථානාධිපතිවරයා ඇතුළු පිරිසක් මෙම සෙබලා රෝහල් ගත කර තිබුණා.
මෙලෙස තුවාල ලැබුවේ ගල්කිරියාගම – ගිරානේගම ප්‍රදේශයේ පදිංචි 44 හැවිරිදි තිදරු පියෙකු වන අතර, ඔහු පනාගොඩ යුද හමුදා පොදුසේවා බලකායට අනුයුක්තව සේවය කරන සෙබලෙකු බව සදහන්.
පවුල් ආරවුලක් හේතුවෙන් මෙම පහරදීම සිදුවන්නට ඇතැයි පොලීසිය ප්‍රකාශ කළා.
සිද්ධිය සම්බන්ධයෙන් මෙම හමුදා සෙබලාගේ බිරිඳ ගල්කිරියාගම පොලීසිය මගින් අත්අඩංගුවට ගත් අතර, අධිකරණයට ඉදිරිපත් කිරීමෙන් අනතුරුව ලබන 10 වන දා දක්වා ඇය රක්ෂිත බන්ධනාගාර ගත කර තිබෙනවා.
කතෘ අයිතිය – හිරු ප්‍රවෘත්ති

Related posts

මැයි දිනයට ගෝල්ෆේස් එන්න.. නැතිනම් කැම්බල් හෝ ගැටබේ යන්න..- බැසිල් අමුතු කතාවක් කියයි

Shiran Viraj

ජුලි මස සිට සියලු ගැහැණු ළමයිට අලුත් එන්නතක් ලබා දෙයි

Shiran Viraj

ස්ටෑන්ඩර්ඩ් චාර්ටඩ් බැංකුව ඉටුකම අරමුදලට රුපියල් මිලියන 92ක මුදල් පරිත්‍යාගයක්

Shiran Viraj