සෞඛ්ය අමාත්යංශයට බලහත්කාරයෙන් ඇතුළු වී එහි දේපලවලට අලාභ හානි සිදු කිරීමේ චෝදනාව මත රක්ෂිත බන්ධනාගාර ගත කර සිටි අන්තර් විශ්වවිද්යාල භික්ෂු බල මණ්ඩලයේ කැඳවුම්කරු පූජ්ය ටැම්පිටියේ සුගතානන්ද හිමි ඇප මත මුදා හැරීමට කොළඹ මහාධිකරණය නියෝග කර තිබේ.
උන්වහන්සේ විසින් ඉදිරිපත් කළ ප්රතිශෝධන පෙත්සමක් විභාග කිරීමෙන් අනතුරුව මහාධිකරණ විනිසුරු මනිලාල් වෛද්යතිලක මහතා මෙම ඇප නියෝගය ප්රකාශයට පත් කළ බව අද දෙරණ අධිකරණ වාර්තාකරු සඳහන් කළේය.
ඒ අනුව සැකකාර භික්ෂූන් වහන්සේ රුපියල් 10,000 ක මුදල් ඇප සහ රුපියල් ලක්ෂ 05 බැඟින් වූ ශරීර ඇප 03 ක් මත මුදා හැරීමට මහාධිකරණ විනිසුරුවරයා නියම කර තිබේ.
එමෙන්ම වස් කාලය අවසන් වීමෙන් අනතුරුව දෙසැම්බර් මාසයේ සිට සෑම මසකම අවසාන ඉරිදා දිනයේ මරදාන පොලීසියට වාර්තා කළ යුතු බව ද ටැම්පිටියේ සුගතානන්ද හිමිට ලබා දුන් ඇප නියෝගයේ සඳහන්ය.
එහිදී මහාධිකරණ විනිසුරුවරයා වැඩිදුරටත් ප්රකාශ කර ඇත්තේ රටේ පවතින නීතියට අනුකූලව ජීවත් වීමට සෑම පුද්ගලයෙකුම කටයුතු කළ යුතු බවයි.
නීතිය උල්ලංඝණය කරමින් මහජනතාවට පීඩා වන ආකාරයෙන් හැසිරීම භික්ෂුවකට උචිත නොවන බවද මහාධිකරණ විනිසුරු මනිලාල් වෛද්යතිලක මහතා සඳහන් කර තිබේ.
(under the courtesy of adaderana news web)
28
C
Colombo
2025-06-01
Register
Breaking News
