නායයෑමක් හේතුවෙන් අවහිර වී ඇති නාවලපිටිය – ගම්පොළ ප්රධාන මාර්ගය සතියක් ඇතුළත වාහන ධාවනය සඳහා විවෘත කරන බව යුද හමුදාපති ලුතිනන් ජෙනරල් ලසන්ත රොද්රිගෝ මහතා පැවසීය.
ඒ මහතා මෙම අදහස් දැක්වූයේ, ඊයේ (දෙසැම්බර් 4) පස්වරුවේ නායගිය නාවලපිටිය – මහනුවර ප්රධාන මාර්ගයේ, උලපනේ ගඩොල්බෝක්කුව ප්රදේශයේ නිරීක්ෂණ චාරිකාවකට එක් වෙමිනි.
- පිළිසකර කිරීම්: මාර්ග සංවර්ධන අධිකාරිය (RDA) සහ යුද හමුදා භට පිරිස් එක්ව එම මාර්ගයේ පිළිසකර කිරීමේ කටයුතු සිදු කරමින් සිටී.
- සාකච්ඡාව: යුද හමුදාපතිවරයා නිරීක්ෂණයට එක්ව සිටියදී මහනුවර දිස්ත්රික් පාර්ලිමේන්තු මන්ත්රී තුෂාරි ජයසිංහ මහත්මිය ද එම ස්ථානයට පැමිණ යුද හමුදාපතිවරයා සමඟ සාකච්ඡා කරනු ලැබීය.
