2025/26 මාස් කන්නයේ වී වගාවෙන් අක්කර දෙලක්ෂ හැත්තෑ හතර දහසකට (274,250) අධික ප්රමාණයක් ගංවතුරෙන් සම්පූර්ණයෙන්ම විනාශ වී තිබෙන බව ජාතික ගොවිජන එකමුතුවේ සභාපති අනුරාධ තෙන්නකෝන් මහතා පැවසීය.
දිස්ත්රික්ක 22කට බලපෑ මෙම ජල ගැලීම් සහ වැලි ගොඩගැසීම් හේතුවෙන් සමස්තයක් ලෙස අක්කර 403,750ක් අර්ධ වශයෙන් හානියට පත්වී තිබේ.
ප්රධාන දිස්ත්රික්කවල හානි වූ ප්රමාණයන් (අක්කර):
| දිස්ත්රික්කය | සම්පූර්ණ හානිය | අර්ධ හානිය |
| ත්රිකුණාමලය | 15,000 | 18,000 |
| මඩකලපුව | 15,000 | 25,000 |
| කුරුණෑගල | 14,000 | 22,000 |
| පොළොන්නරුව | 13,000 | 22,500 |
| අනුරාධපුරය | 11,000 | 13,000 |
| උතුර (වව්නියාව, කිලිනොච්චිය, යාපනය, මුලතිව්) | 12,000 | 24,000 |
සභාපතිවරයා වැඩිදුරටත් සඳහන් කළේ, බදුල්ල, මොනරාගල, පුත්තලම, ගාල්ල, මාතර, මාතලේ, මහනුවර, ගම්පහ, කොළඹ, කළුතර, කෑගල්ල සහ රත්නපුර වැනි දිස්ත්රික්කවල වී වගාවට ද විශාල වශයෙන් හානි සිදුව ඇති බවයි.
