මානව වර්ගයාගේ යහපත උදෙසා කෘත්‍රිම බුද්ධිය (AI) තාක්ෂණය සංවර්ධනය කිරීම සහ පාලනය කිරීම සඳහා ගෝලීය AI පාලන ක්‍රියාකාරී සැලැස්මක් (Global AI Governance Action Plan) ප්‍රකාශයට පත් කර ඇත. මෙම සැලැස්ම මගින් AI තාක්ෂණයේ අවස්ථා ප්‍රයෝජනයට ගන්නා අතරම, එහි අවදානම් සහ අභියෝග කළමනාකරණය කිරීමට සියලු රටවලට සහ පාර්ශවකරුවන්ට ආරාධනා කරයි.
මෙම සැලැස්ම යටතේ AI හි නව්‍ය සංවර්ධනය ප්‍රවර්ධනය කිරීම, කර්මාන්ත හරහා AI බලගැන්වීම සහ ඩිජිටල් යටිතල පහසුකම් වේගවත් කිරීම කෙරෙහි අවධානය යොමු කර ඇත. මෙහිදී, විවිධ පාර්ශ්වකරුවන් (රජයන්, ජාත්‍යන්තර සංවිධාන, සමාගම් සහ පර්යේෂණ ආයතන) අතර විවෘත සහයෝගීතාව සහ අත්දැකීම් බෙදාගැනීම දිරිමත් කර තිබේ.
මෙම සැලැස්ම මගින් AI තාක්ෂණය හරහා ගෝලීය ආර්ථික හා සමාජ සංවර්ධනයට සහය වීම, තිරසාර සංවර්ධන ඉලක්ක සපුරා ගැනීම සහ ගෝලීය අභියෝගවලට මුහුණ දීම අරමුණු කරයි. ඒ සඳහා AI පද්ධතිවල ආරක්ෂාව තක්සේරු කිරීම, දත්තවල ගුණාත්මකභාවය වැඩි දියුණු කිරීම සහ AI තාක්ෂණයේ අගතිගාමී බව සහ වෙනස්කම් කිරීම් ඉවත් කිරීම සඳහා ද යෝජනා ඉදිරිපත් කර තිබේ.
