මුදල් අච්චු ගසා හෝ මැතිවරණය පවත්වන්නම සිදුවෙන බව ජාතික ජන බලවේගය මාතර නගරාධිපති අපේක්ෂක හිටපු පාර්ලිමේන්තු මන්ත්රී සුනිල් හඳුන්නෙත්ති මහතා සඳහන් කරයි.
මැතිවරණ කොමිසම අද වන විට ඒ තත්ත්වයට පත්ව ඇති බවත් ඡන්දය නොතියා සිටීමට හැකියාවක් නැති බවත් හෙතෙම සඳහන් කර තිබේ.
ඔහු මේ බව සඳහන් කරන්නේ පුවත්පතක් සමග සාකච්ඡාවකට එක්වෙමිනි.
‘මුදල් අච්චු ගහලා හරි මැතිවරණය පවත්වන්නම වෙනවා. ඒ තීරණය ගන්න වෙන තත්ත්වයට මැතිවරණ කොමිසම පත් වෙලා ඉන්නේ. දැන් ඡන්දය නොතියා ඉන්න හැකියාවක් නැහැ. ඡන්දය පවත්වන දිනය පිළිබඳ ප්රශ්නයක් විතරයි දැන් තියෙන්නේ. ජනතාවට අසාධාරණ දිනයක් තීරණය කරන්නත් මැතිවරණ කොමිසමට හැකියාවක් නැහැ’
