mediahumanrights.lk
Local NewsNews

දේව පුජාවෙන් උගුළට හසු වෙලා

කාන්තාවන් රවටාගෙන දේවාල වලට ගොස් පුජාවන්ද තබා පසුව ඔවුන් සතුව ඇති රන් ආභරණ කොල්ලකෑමේ නිරත වූ සැකකරුවෙකුව හලාවත පොලීසිය විසින් අත්අඩංගුවට ගෙන තිබේ.

පොලීසිය විසින් අත්අඩංගුවට ගෙන ඇත්තේ මාදම්පේ ප්‍රදේශයේ පදිංචි 45 හැවිරිදි අයෙකුව වන අතර ඔහු කලක් යුධ හමුදාවේ සේවය කර ඇති බවත්, ක්‍රියාන්විත රාජකාරියේදී වෙඩි වැදී තුවාල ලැබීමෙන් පසුව සේවයට වාර්තා කර නොමැති අයෙකු වන බවත් විමර්ශණ වලදී හෙළිවී තිබේ.

විවිධ ස්ථාන වලදී හමුවන කාන්තාවන් හා මිතුරු වී ඔවුන්ව මුන්නේෂ්වරම ඇතුළු දේවාල වලට කැඳවාගෙන ගොස් දේව පුජාවන්ද සැකකරු විසින් තබා ඇති බව පොලීසිය විසින් හෙළි කරගෙන තිබේ.

මිතුදම වැඩි වූ පසුව කාන්තාවන් සතුව තිබූ ස්වර්ණාභරණ හොරකම් කරගෙන ගොස් උගස් තබා මුදල් ලබා ගැනීම සැකකරු විසින් සිදු කර ඇති අතර සැකකරුගේ උගුළට හසුවූ කාන්තාවක් විසින් ලබා දී තිබූ තොරතුරකට අනුව හලාවත – මුන්නේෂ්වරම ප්‍රදේශයේදී සැකකරුව පොලීසිය විසින් අත්අඩංගුවට ගෙන තිබේ.

කාන්තාවන්ගෙන් සොරකම් කර මීගමුව ප්‍රදේශයේ පුද්ගලික ආයතනයකට උගස් කර තිබූ රන් දම්වැල් 03 ක්ද පොලීසිය විසින් සොයා ගෙන ඇති අතර සැකකරුගේ උගුළට හසුවී රන් ආභරණ අහිමි කර ගත් කාන්තාවන් තිදෙනෙකු හලාවත පොලීසියට පැමිණ ප්‍රකාශයන් ලබා දී තිබේ.

සැකකරු මේ ආකාරයට තවත් කාන්තාවන්ගෙන් රන් ආභරණ සොරකම් කරන්නට ඇතිබවට විශ්වාස කරන්නේ යැයි පොලීසිය කියයි.

හලාවත මූලස්ථාන පොලිස් පරීක්ෂක ප්‍රියන්ත බණ්ඩාර කස්තුරිආරච්චි මහතා ප්‍රධාන නිලධාරීන් විසින් සැකකරුවා අත්අඩංගුවට ගෙන වැඩිදුර විමර්ශණ කටයුතු කරගෙන යයි.

(under the courtesy of adaderana.lk news web)

Related posts

හබරණ මාරක රිය අනතුරක්

Shiran Viraj

රෝගීන් යළිත් අමාරුවේ – ගිලන් රථ වර්ජනයත් අද ඇරඹෙයි

Shiran Viraj

නිරුවත ගැන මාකට් කරන මියුසික් වීඩියෝ වැඩි වැඩියෙන් බිහිවෙනකොට ලෙලුම් රත්නායකත් වීඩියෝවක් එළියට දායි

Shiran Viraj
Translate »