තමාගේ ප්‍රකාශ ගැන මහින්ද ලැජ්ජා විය යුතුයි

පක්ෂයේ සභාපතිධුරයෙන් ඉවත් වී වත්මන් ජනාධිපතිවරයාට එය බාරදුන් හිටපු ජනාධිපතිවරයා එවැනි තත්ත්වයක් සිදුනොවූ බව ප්‍රකාශ කිරීම සම්බන්ධයෙන් ලැජ්ජා විය යුතු බව අමාත්‍ය එස්.බි.දිසානායක මහතා පවසයි.
කතානායක නිල නිවසේ දී  අදාළ තනතුර බාරදීමේ අවස්ථාවට තමා ද සහභාගී වු බව පවසමින්ය අමාත්‍යවරයා මෙම අදහස් පළ කළේය.
සභාපතිධූරය පිරිනමමු යැයි පවසන විට පක්ෂයේ ලේකම්වරයා වශයෙන් අනුර ප්‍රියදර්ශන යාපා එම ස්ථානයේ සිටි බව ද අමාත්‍ය එස්.බී.දිසානායක මහතා පැවසීය.
ඒ මොහොතේ ලියුම ගහන්න යැයි පවසා පසුව මෙවැනි කියමන් ප්‍රකාශ කිරීම මහින්ද රාජපක්ෂ මහතාගේ මානසික රෝගයක් හෝ ලැජ්ජාවක් නොමැති වීම යැයි එස්.බී.දිසානායක මහතා වැඩිදුරටත් කියා සිටියේය.
(under the courtesy of adaderana news web)