යාපනයේ විද්‍යා දැරියගේ ඝාතනය සම්බන්ධයෙන් සැකපිට අත්අඩංගුවට ගැණුනු ජ්‍යෙෂ්ඨ නියෝජ්‍ය පොලිස්පති ලලිත් ජයසිංහගේ සේවය වහාම ක‍්‍රියාත්මක වන පරිදි අත්හිටුවා තිබෙනවා. ඒ, ජාතික පොලිස් කොමිසන් සභාව විසින්. අත්අඩංගුවට ගන්නා විට ලලිත් ජයසිංහ කටයුතු කළේ මධ්‍යම සහ ඌව පළාත් භාර ජ්‍යෙෂ්ඨ නියෝජ්‍ය පොලිස්පතිවරයා ලෙසයි. විද්‍යා දැරියගේ ඝාතනය සිදුවන වකවානුවේ දී ඔහු උතුරු පළාත භාර ජ්‍යෙෂ්ඨ නියෝජ්‍ය පොලිස්පතිවරයා ලෙස කටයුතු කළා.
විද්‍යා දැරිය ඝාතනය කර ඇත්තේ ඇය සමූහ දූෂණයකටද ලක්කිරීමෙන් පසුව බවයි විමර්ශනවලින් හෙලි වුණේ. ඡායාරූප සහ වීඩියෝ දර්ශන ලබාගෙන අලෙවි කිරීමේ අපේක්ෂාවෙන් මෙම සමූහ දූෂණය සිදු කර තිබුණා. සැකකරුවන්ට පලා යාම සඳහා ආධාර අනුබල ලබාදුන් බවටයි ජ්‍යෙෂ්ඨ නියෝජ්‍ය පොලිස්පති ලලිත් ජයසිංහ චෝදනා ලබා සිටින්නේ.
(under the courtesy of nethfm news web)
previous post
next post
