වියළි කාලගුණය හේතුවෙන් උතුරුමැද සහ නැගෙනහිර යන පළාත්වල සුළු වාරිමාර්ග රැසක් සිඳී ගොස් තිබෙනවා. ප්‍රධාන ජලාශවල ජල මට්ටම ද ඒවායේ ධාරිතාවයෙන් සියයට 16ක් පමණ දක්වා අඩු වී තිබෙන බවයි වාරිමාර්ග දෙපාර්තමනේතුවේ ජල කළමනාකරණ අධ්‍යක්‍ෂ ඩබ්ලිව් බී පලුගස්වැව පවසන්නේ.
වියළි කාලගුණය මේ වනවිට දිස්ත්‍රික්ක 13කට බලපා ඇති බව ආපදා කළමනාකරණ මධ්‍යස්ථානය පැවසුවා. මේ නිසා ඇතැම් පිරිස් පානීය ජලය සපයා ගැනීම සම්බන්ධයෙන් ද දුෂ්කරතාවන්ට මුහුණ දී සිටින බවයි එහි සහකාර අධ්‍යක්‍ෂ ප්‍රදීප් කොඩිප්පිලි. කියා සිටියේ.
පීඩාවට පත්වූවන්ට සහන සැලසීම සඳහා ජල ටැංකි 600කට වැඩි ප්‍රමාණයක්ද, ජලය බෙදාහැරීම සඳහා බවුසර් 200ක් පමණද යොදවා ඇතැයි ඔහු පැවසුවා.
වියළි කාලගුණය නිසා වගා හානි වූවන්ට වන්දි ලබාදීමට ද කටයුතු කරන බවයි ආපදා කළමනාකරණ මධ්‍යස්ථානය වැඩිදුරටත් කියා සිටියේ.
(under the courtesy of nethfm news web)
next post
