mediahumanrights.lk
Local News News

පාරේ කුණු දාන අයට ඉදිරියේදී වැඩ වරදියි

මාර්ග දෙපස අවිධිමත් ලෙස කසළ බැහැර කිරීම පිළිබඳ දෛනික වාර්තාවක් ලබාදෙන ලෙස ජනාධිපති මෛත‍්‍රීපාල සිරිසේන මහතා පොලිසිය වෙත උපදෙස් ලබා දී තිබෙනවා.
කසළ කළමනාකරණය විධිමත් කිරීම පිළිබඳ ජනාධිපති කාර්යාලයේ පැවති සාකච්ඡාවක දී ජනාධිපතිවරයා මෙම උපදෙස් ලබාදුන් බවයි ජනාධිපති මාධ්‍ය අංශය සඳහන් කළේ.
පළාත් පාලන ආයතන විසින් තෝරාගත් ස්ථානවලට කසල බැහැර කිරීමේ දී එම කටයුතුවලට බාධා කරන පිරිස්වලට එරෙහිව දැඩි නීතිමය ක‍්‍රියාමාර්ග ගන්නා ලෙසද මෙහිදී ජනාධිපතිවරයා පොලිස්පතිවරයා වෙත උපදෙස් ලබා දුන්නා. පරිසර පොලිසිය ශක්තිමත් කිරීමට පියවර ගත යුතු බවයි ජනාධිපතිවරයා සඳහන් කළේ.
කසළ වර්ගීකරණය පිළිබඳ ජනතාව දැනුවත් කිරීමට පුළුල් වැඩපිළිවෙලක් ක‍්‍රියාත්මක කරන ලෙසද ජනාධිපති මෛත‍්‍රීපාල සිරිසේන මහතා අදාළ නිලධාරීන්ට උපදෙස් ලබාදුන්නා.
වැඩිදුරටත් අදහස් දැක්වූ ජනාධිපතිවරයා සඳහන් කළේ පුත්තලම අරුවක්කාරු කසල බැහැර කිරීමේ අංගනය ඉදිකිරීම වෙනුවෙන් මෙම වසරේ දී රුපියල් මිලියන දෙදහසක මුදලක් ලබාදීමට ද කටයුතු කරන බවයි.
(under the courtesy of nethfm news web)

Related posts

රවි ඇතුළු 06ක් නිදොස් කොට නිදහස් කෙරේ…

Shiran Viraj

ගුවන්තොටුපළට පිවිසීමට විකල්ප මාර්ග භාවිත කරන්න

Shiran Viraj

සපුගස්කන්ද පිරිපහදුව වහයි..

Shiran Viraj