2008 වසරේ කොටුව දුම්රියපොළේ මරාගෙන මැරෙන බෝම්බ ප්‍රහාරයක් සිදුකිරීමට කුමන්ත්‍රණ සිදුකළ බවට වරදකරු වූ පුද්ගලයෙකුට කොළඹ විශේෂ මහාධිකරණය විසින් වසර 20ක බරපතල වැඩ සහිතව සිර දඬුවම් නියම කර තිබේ.
කොළඹ විශේෂ මහාධිකරණ විනිසුරු පියසේන රණසිංහ මහතා විසින් මෙම දඞුවම නියම කළ බව අද දෙරණ අධිකරණ වාර්තාකරු සඳහන් කළේය.
2008 වසරේ පෙබරවාරි මස 03 වන දින එල්.ටී.ටී.ඊ මරාගෙන මැරෙන බෝම්බකාරියක් යොදවා අදාළ ප්‍රහාරය සිදුකර තිබු අතර එහිදි කොළඹ ඩී.එස්.සේනානායක විද්‍යාලයේ සිසුන් අට දෙනෙකු ඇතුළු පුද්ගලයින් 12 දෙනෙකු ජීවිතක්ෂයට පත්විය.
ඒ අනුව බෝම්බයක් පුපුරුවා හැරීමට කුමන්ත්‍රණය කිරීම, ආධාර අනුබල ලබාදීම යන චෝදනා යටතේ වරදකරුවු කනකසබේ දේවදාසන් නැමති දෙමළ ජාතික පුද්ගලයෙකුට මෙලෙස සිරදඞුවම් නියම කර ඇති බව වාර්තා වේ.
(under the courtesy of adaderana news web)
previous post
