ශෂිකලා නටරාජන් අධිකරණයට භාරවෙයි

අයථා ලෙස මුදල් ඉපයීමේ චෝදනාවන්ට වරදකාරිය බවට පත්වු චින්නම්මා හෙවත් ශෂිකලා නටරාජන් බැංගලෝර් නුවර මහාධිකරණයට භාරවී  තිබෙනවා.
ඇයට එරෙහි නඩු තීන්දුව ප්‍රකාශයට පත් කෙරුනේ පෙරේදා දිනයේදීයි.
ඒ අනුව ඇයට වසර 4 ක සිර දඩුවමක් සහ කෝටි 10ක දඩ නියමවන අතර වසර 10 ක් තුල දේශපාලනයට පැමිණීම ද තහනම් වනවා.
ශෂිකලා නටරාජන් අධිකරණයට පැමිණෙන මාර්ගයේ සහ අධිකරණය අවට ආරක්ෂාව තර කර තිබෙනවා.
ජයලලිතාගේ යෙහෙළිය වන ශසිකලා නටරාජන් අධිකරණයට පැමිණීමට පෙර තමා යළිත් දේශපාලනයට පැමිණෙන බවට සිය පාක්ෂිකයන් හමුවී ප්‍රකාශ කල බවයි ඉන්දීය පුවත් සේවාවල දැක්වෙන්නේ.
මේ අතර අධිකරණය අසලදී ශෂිකලාගේ ආධාරකරුවන් සහ එහි සිටි පිරිස් අතර ගැටුමක් ද හටගෙන ඇතැයි සඳහන්. කෙසේවෙතත් ආරක්ෂක අංශ මැදිහත්වී එය සමතයකට පත්කර තිබෙනවා.