දිවුලපිටිය හේන්පිටගෙදර ප්‍රදේශයේ පොලිස් විශේෂ කාර්ය බලකාය සමග ඇති වූ වෙඩි හුවමාරුවේදි තුවාල ලැබූ සැකකරුවෙකු ලබන 07 වන දා දක්වා රක්ෂිත බන්ධනාගාරගත කිරීමට ගම්පහ වැඩබලන මහේස්ත්‍රාත්වරිය නියෝග කළා ය.
ඒ අද සැකකරු ප්‍රතිකාර ලබන ගම්පහ රෝහලට ගොස් ඔහු පරීක්ෂා කිරීමෙන් අනතුරුවයි.
පෙරේදා දහවල් සිදුවූ එම වෙඩි හුවමාරුවෙන් පසු සැකකරු පළාගොස් පසුව මිනුවන්ගොඩ රෝහලට ඇතුළත් වී තිබිණ.
අනතුරුව ඔහු පොලිස් ආරක්ෂාව යටතේ ගම්පහ රෝහලට මාරු කර යැවිණ.
මේ අතර සිද්ධිය සම්බන්ධයෙන් අත්අඩංගුවට ගත් බස්නාහිර පළාත් සභා මන්ත්‍රි රන්දීර් රුද්‍රිගූ මහතා ඇතුළු සැකකරුවන් 7 දෙනෙකු ඊයේ මිනුවන්ගොඩ මහේස්ත්‍රාත් අධිකරණයට ඉදිරිපත් කිරීමෙන් පසු ලබන 7 වන දා දක්වා රක්ෂිත බන්ධනාගාරගත කෙරිණ.
(පුවත් අනුග්‍රහය newsfirst වෙබ් අඩවිය)
