චීන – ශ්‍රී ලංකා මිත්‍රත්ව ජාතික වෘක්කවේද විශේෂිත රෝහලේ ඉදිකිරීම් අද (17) පෙරවරුවේ ජනාධිපති මෛත්‍රීපාල සිරිසේන මහතාගේ නිරීක්ෂණයට ලක්වුණා. වකුගඩු රෝගයෙන් පීඩා විදින දිවයින පුරා දිස්ත්‍රික්ක රැසක ජනතාව වෙනුවෙන් දකුණු ආසියාවේ විශාලතම වකුගඩු රෝහල ලෙස මෙය ඉදි කෙරෙනවා. ඒ, පොළොන්නරුව මහ රෝහලට නුදුරින්.
ඇඳන් 204කින්, රුධිර කාන්දුකරණ යන්ත්‍ර 100කින්, වකුගඩු බද්ධ කිරීමේ ශල්‍යාගාර ඇතුළු ලොව නවීතම පහසුකම්වලින් සමන්විත මෙම රෝහල සදහා වැය කෙරෙන මුදල රුපියල් බිලියන 12ක්. අද පෙරවරුවේ රෝහල් පරිශ්‍රය වෙත ගිය ජනාධිපතිවරයා එහි ඉදිකිරීම් පිළිබද සොයා බැලූ බවයි ජනාධිපති මාධ්‍ය අංශය පැවසුවේ.
(under the courtesy of nethnews.lk news web)
