අමාත්ය ලාල්කාන්ත මහතා විසින් සිදු කරන ලද “මිහින්තලේ වනචාරියා” යන ප්රකාශය තමන් පූර්ණ ලෙස අනුමත කරන බව වෙළඳ අමාත්ය වසන්ත සමරසිංහ මහතා සඳහන් කරයි. සියත රූපවාහිනී නාලිකාවේ පැවැති සාකච්ඡාවකට එක්වෙමින් අමාත්යවරයා මේ බව අවධාරණය කළේය. ලාල්කාන්ත මහතා එම ප්රකාශය සිදු කරන ලද්දේ පැහැදිලි දේශපාලන අර්ථයක් සහිතව බවත්, එයින් කිසිදු පුද්ගලයෙකු විශේෂයෙන් නම් කර නොමැති බවත් ඔහු මෙහිදී පෙන්වා දුන්නේය.
කෙසේ වෙතත්, යම් පුද්ගලයෙකු එම ප්රකාශය තමන්ට එල්ල වූවක් යැයි සලකා එම “තොප්පිය දාගන්නේ” නම් එහි කිසිදු ගැටලුවක් නොමැති බව අමාත්යවරයා වැඩිදුරටත් පැවසීය. අදාළ ප්රකාශය හරහා මතු කෙරුණු දේශපාලන විවේචනය සහ එයට පාදක වූ කරුණු සම්බන්ධයෙන් රජයේ අමාත්යවරයෙකු ලෙස තමන් ද එකඟ වන බව වසන්ත සමරසිංහ මහතා මෙහිදී ප්රකාශ කළේය. මෙය දේශපාලන කරළියේ මෙන්ම ආගමික පාර්ශවයන් අතර ද දැඩි සංවාදයකට තුඩු දී ඇති කරුණක් බවට පත්ව තිබේ.
මෙම මතභේදාත්මක ප්රකාශය සම්බන්ධයෙන් මීට පෙර කැබිනට් ප්රකාශකවරයා සහ නියෝජ්ය අමාත්යවරුන් දැක්වූ අදහස්වලට වඩා වසන්ත සමරසිංහ මහතාගේ මෙම ප්රකාශය වඩාත් සෘජු ස්වභාවයක් ගනී. ලාල්කාන්ත මහතාගේ ප්රකාශය පදනම් කරගනිමින් විපක්ෂය සහ ඇතැම් ආගමික නායකයන් එල්ල කරන චෝදනා හමුවේ රජයේ අමාත්යවරයෙකු මෙලෙස සිය ස්ථාවරය ප්රකාශ කිරීම විශේෂත්වයකි.
