අද පෙරවරුවේ අම්බලන්ගොඩ ගාලු පාරේ පිහිටි සිංගර් ප්රදර්ශනාගාරය තුළ සිදු වූ වෙඩි තැබීමකින් එහි කළමනාකරු ජීවිතක්ෂයට පත්ව ඇති බව පොලිසිය තහවුරු කරයි. ඔහු ආයතනයේ සේවය සඳහා පැමිණ සිටි අවස්ථාවේදී යතුරුපැදියකින් පැමිණි නාඳුනන තුවක්කුකරුවන් දෙදෙනෙකු මෙම වෙඩි තැබීම සිදු කර පළා ගොස් තිබේ.
මියගොස් ඇති පුද්ගලයා පසුගිය පළාත් පාලන මැතිවරණයේදී සමගි ජන බලවේගය නියෝජනය කරමින් අම්බලන්ගොඩ නගර සභාව සඳහා තරඟ කළ කණ්ඩායම් නායකයා ලෙස කටයුතු කර ඇත. වෙඩි තැබීමට හේතුව හෝ සැකකරුවන් පිළිබඳව මෙතෙක් අනාවරණය වී නොමැති අතර, අම්බලන්ගොඩ පොලිසිය මේ පිළිබඳව වැඩිදුර විමර්ශන සිදු කරයි.
