මහනුවර ඇසළ පෙරහර හේතුවෙන් මෙරටට පැමිණෙන සංචාරකයන්ගේ සංඛ්යාව ඉහළ ගොස් ඇති බව වාර්තා වේ. 2024 වසරට සාපේක්ෂව මෙම වසරේ අගෝස්තු මාසයේ මුල් දින 13 තුළ සංචාරක පැමිණීමේ 17.1%ක වැඩිවීමක් වාර්තා වී තිබේ.
Travel and Tour World වෙබ් අඩවිය විසින් ප්රකාශයට පත් කරන ලද වාර්තාවකට අනුව, මෙම සංස්කෘතික උත්සවය සංචාරකයන් ආකර්ෂණය කර ගැනීම සහ ජාතික ආර්ථිකය ඉහළ නැංවීම සඳහා ප්රධාන කාර්යභාරයක් ඉටු කර ඇත.
වාර්තාවේ සඳහන් වන්නේ, 2025 වසරේ සංචාරක ක්ෂේත්රය කැපී පෙනෙන වර්ධනයක් පෙන්නුම් කරන බවත්, අගෝස්තු මැද වන විට සංචාරක පැමිණීම් මිලියන 1.5 ඉක්මවා ඇති බවත්ය. මෙය පෙර වසරට වඩා මාස දෙකකට කලින් ළඟා වූ සන්ධිස්ථානයක් වන අතර, එමගින් රටේ සංචාරක ක්ෂේත්රයේ ප්රකෘතිය හා ස්ථාවරත්වය ඉස්මතු කරයි.
2025 වසර අවසන් වන විට සංචාරකයන් මිලියන 3ක් ගෙන්වා ගැනීමේ රජයේ ඉලක්කය කරා ගමන් කරමින් සිටින බව ද වාර්තාව පෙන්වා දෙයි. මෙම ඉලක්කයෙන් අඩක් පමණ මාස හතක් තුළදී ළඟා වී ඇති අතර, එය සනිටුහන් කරන්නේ, ඉදිරි අනාගතය පිළිබඳව ඇති ශුභවාදී බලාපොරොත්තුවයි.
