mediahumanrights.lk
Local News News

ප‍්‍රදේශ රැසකට ගංවතුර.. මාර්ග රැසක් ජලයෙන් යටවෙයි..

අද (20) පස්වරුවේ සිට ගාල්ල දිස්ත්‍රික්කයට ඇදහැළෙන මහ වැසි හේතුවෙන් ගිං ගඟෙහි අතුරු ඇළ මාර්ග පිටාර ගලමින් තිබේ.

ඒ හේතුවෙන් මේවනවිට මාර්ග රැසක් ජලයෙන් යටවී තිබේ.

යටලමත්ත ඇළ හා ඌරළ ඇල පිටාර ගැලීම හේතුවෙන් යටලමත්ත බෙම්බඩ මාර්ගය,කිරි මැටිය නාගොඩ මාර්ගය ඌරල ගල්කන්ද මාර්ගය ස්ථාන කිහිපයකින් ජලයෙන් යටවී තිබේ.

යටලමත්‍ත සමෘද්ධි බැංකුව අසලින් ඌරල වඳුරඹ මාර්ගය ජලයෙන් යටවී තිබේ.

ඒ හේතුවෙන් එම මාර්ග වල රථවාහන ධාවනයට බාධා මතුව තිබේ.

ඇතැම් මාර්ග වල අඩි 02 ඉක්මවු ජල මට්ටමක් පවතියී.

ගාල්ල දිස්ත්‍රික්කයේ තවත් මාර්ග කිහිපයක් වැසි ජලයෙන් යටවී තිබේ.

මේ අතර පැවති දරුණු අකුණු හේතුවෙන් ගාල්ල දිස්ත්‍රික්කයේ ප්‍රදේශ රැසක විදුලි බල්බ සඳහා හානි සිදුව තිබේ.

බද්දේගම, නාගොඩ සහ වඳුරඹ ප්‍රාදේශීය ලේකම් කොට්ඨාස වල මෙම තත්ත්වය වැඩි වශයෙන් දක්නට ලැබේ.

පවතින වැසි සහිත කාලගුණ තත්ත්වය හේතුවෙන් ගංගා කිහිපයක ජල මට්ටම් ඉහළගොස් ඇතිබව වාරිමාර්ග දෙපාර්තමේන්තුව පවසයි.

නිල්වලා ගඟ සහ අත්තනගලු ඔයේ ජලමට්ටම එලෙස ඉහළගොස් තිබේ.

නිල්වලා ගඟ තල්ගහගොඩ ප්‍රදේශයෙන් සහ පානදුගම ප්‍රදේශයෙන් අවධානම් මට්ටමට ළඟාවී තිබේ.

අත්තනගලු ඔය ද දූනමලේ ප්‍රදේශයෙන් අවධානම් මට්ටමේ පවතියි.

පවතින වැසි සහිත කාලගුණ තත්ත්වය තවදුරටත් පැවතියහොත් ගංගා ජලමට්ටම් තවදුරටත් ඉහළ යා හැකිය.

ඒ හේතුවෙන් එම ගංගා දෙපස ජනතාව දැඩි විමසිල්ලෙන් කටයුතු කළයුතු බව වාරිමාර්ග දෙපාර්තමේන්තුව පවසයි.

මේ අතර ගිං ගඟේ අතුරු ඇළ මාර්ග පිටාර ගලමින් තිබේ.

ඌරල ඇළ පිටාර ගැලීම හේතුවෙන් මේ වනවිට අවට පහත් බිම් රැසක් ජලයෙන් යටවී තිබේ.

Related posts

වැලිකඩ පැත්තක් ලොක්ඩවුන්.. සිරකරුවන් පිරිසකට කොරෝනා.. තවත් පිරිසකට රෝග ලක්‍ෂණ.. සිරකරුවන් භීතියෙන්..

Shiran Viraj

IPL පිටියට චමරි අතපත්තු එක්වෙයි

Shiran Viraj

මානව හිමිකම් මාධ්‍ය ඒකකයේ ප්‍රධාන විධායක අධ්‍යක්ෂතුමා ආචාර්ය එම්. ශිරාන් මහතාගේ තවත් සත්කාරයක්

Shiran Viraj