ඉදිරියේදී පැවැත්වෙන මහ මැතිවරණයට හෝ ජනාධිපතිවරණයට තරග කිරීමට තමන් බලාපොරොත්තු නොවන බව හිටපු ජනාධිපති මෛත්‍රී මහතා සඳහන් කරයි.
ඒ වෙනුවට තම පුත් දහම් සිරිසේන මහතා එළඹෙන මහ මැතිවරණයේදී පොළොන්නරුව දිස්ත්‍රික්කයෙන් තරග කරනු ඇති බවත් ඒ සඳහා තම ආශිර්වාදය හා උපදෙස් ලබා දෙන බවත් ඒ මහතා පැවසීය.
වෙතත් මෙය තමන් ක්‍රියාකාරී දේශපාලනයෙන් සමුගැනීමක් නොවන බවද පැවසූ හිටපු ජනාධිපතිවරයා ශ්‍රී ලංකා නිදහස් පක්ෂයේ උන්නතිය වෙනුවෙන් තමාට කළ හැකි දේ සඳහා සහ දෙන බවද තවදුරටත් කියා සිටියේය.
