ජල ගාස්තු ඉහළ දැමීම සඳහා කැබිනට් පත‍්‍රිකාවක් ජලසම්පාදන හා වතු යටිතල පහසුකම් සංවර්ධන අමාත්‍යාංශය විසින් ඉදිරිපත් කර තිබේ.
එමගින් යෝජනා කර ඇත්තේ ජල ගාස්තු සංශෝධනය සකස් කිරීමේ දී මෙහෙයුම් පිරිවැය පියවා ගැනීම සහ මණ්ඩලයේ ණයසේවාකරණය පියවා ගැනීම යන ක්‍රමවේද දෙකම සැලකිල්ලට ගත යුතු බවයි.
මෙම ජල ගාස්තු සංශෝධනය ඉක්මනින් ක්‍රියාත්මක කර රුපියල් බිලියන හතක මාසික ආදායමක් ලබාගැනීම ද බලාපොරොත්තු වන බවත් මණ්ඩලය සඳහන් කර තිබේ.
විදුලි ගාස්තු ඉහළ දැමීම සමග ජල ඒකකයක නිෂ්පාදන පිරිවැය ඉහළ යාම හේතුවෙන් ජල ගාස්තු සංශෝධනයක් සිදු කළ යුතු බවද මණ්ඩලය සඳහන් කරයි.
මීට සමගාමීව ජල ගාස්තු ප්‍රතිපත්තියක් හා ජල ගාස්තු සූත්රයක් සකස් කිරීමට කැබිනට් මණ්ඩලයේ අනුමැතිය ඉල්ලා ඇත.
