ශි‍්‍ර ලංකා පොදුජන පෙරමුණේ සිව් වන සංවත්සරය වෙනුවෙන් මෙම මස පුරා කි‍්‍රයාත්මක කිරීමට සැලසුම් කර තිබූ වැඩසටහන් කිහිපයක් තාවකාලිකව නැවැත්වීමට තීරණය කර තිබෙනවා.
ශී‍්‍ර ලංකා පොදුජන පෙරමුණේ ප‍්‍රධාන ලේකම්, පාර්ලිමේන්තු මන්තී‍්‍ර, නීතිඥ සාගර කාරියවසම් පැවසුවේ කොරෝනා වෛරස ව්‍යාප්තිය සැලකිල්ලට ගෙන මෙම තීරණය ගත් බවයි. ඒ අනුව සැලසුම් කර තිබූ සියළු ආසන සම්මේලන, කාන්තා හා තරුණ සම්මේලන මෙන්ම අනුබද්ධ සංවිධාන සම්මේලන පැවැත්වීමට තාවකාලිකව නතර කර තිබෙනවා.
කෙසේවෙතත් සාමාජික ප‍්‍රවර්ධනය හා ශාඛා සමිති බලගැන්වීම යන වැඩසටහන් සෞඛ්‍ය උපදෙස් අනුගමනය කරමින් සිදුකරන ලෙසට සියළු පාක්‍ෂිකයන්ට දැනුම් දෙන බවයි ශී‍්‍ර ලංකා පොදුජන පෙරමුණේ ප‍්‍රධාන ලේකම්, පාර්ලිමේන්තු මන්තී‍්‍ර නීතිඥ සාගර කාරියවසම් වැඩිදුරටත් සදහන් කළේ
(under the courtesy of nethnews.lk news web)
