කරුවලගස්වැව – කුඩා මැදවච්චිය ප්රදේශයේ වැටී සිටියදී හමුවී මේ වන විට තබ්බෝව වැව් තාවුල්ලට රැගෙන විත් ප්රතිකාර සිදුකරන වන අලි පැටවාගේ සුව දුන් විමසා බැලීම සදහා ඊයේ (17) දහවල් වනජීවී නියෝජ්ය අමාත්ය පාලිත තෙවරප්පෙරුම පැමිණ සිටියා.
අඩි 04 ක් පමණ උසැති වයස අවුරුදු 03 ක් පමණ වන මෙම වන අලි පැටවා කිසියම් කොදු ඇට ආබාධයකින් පෙළෙන බව වන ජීවී නිලධාරීන් සදහන් කරනවා. වැව් තාවුල්ලේ රඳවා සිටින වන අලි පැටවාව ගොඩට ගැනීම සඳහා වනජීවී නියෝජ්ය අමාත්යවරයාද වනජීවී නිලධාරීන්ට සහාය දක්වා තිබුණා.
මේ අතර පසුගිය දින කිහිපයේ දැඩි කතාබහක් ඇති කළ සිංහරාජ වනාන්තරයේ සිටින දුර්ලභ අලි දෙදෙනා ඇල්ලීමේ මෙහෙයුම ජනාධිපතිවරයාගේ නියෝග මත නතර කිරීම මේ වන විට සිදුව තිබෙනවා.
(under the courtesy of nethnews.lk news web)
