වයස අවුරුදු 19 න් පහළ ආසියානු කුසලාන ක්රිකට් තරගාවලිය මේ දිනවල මලයාසියාවේ පැවැත්වෙනවා. විචාරකයන් , රසිකයන් ඇතුලු සියලු දෙනා මවිත කරමින් තරගාවලියේ පෙරළිකාරම ජයග්‍රහණය වාර්තා කිරීමට පසුගිය දින නේපාල කණ්ඩායම සමත් වුනා. ඒ අනුව කලාපයේ ප්‍රබලම ක්රිකට් රාජ්‍ය වන ඉන්දියානුවන්ට එරෙහිව ලකුණු 19 කින් අදාළ ජය ලැබීමට නේපාල යෞවනයෝ සමත් වුනා.
“මේ අපිට ඉතිහාසගත ජයක්‌. මේ ජය වෙනුවෙන් ඉන්දියානු පුහුණුකරු රාහුල් ඩ්‍රාවිඩ් නිහතමානීව අපිට සුබ පැතුවා. ඔහු කීවා අපි මේ ජයග්‍රහණයට ගොඩක් වෙහෙසුන බව. කවදාවත් අපි ඉන්දියාව පරාජය කර නැති නිසා මේක අපිට ලොකු සතුටක්‌.” යෑයි සිය ජයග්‍රහනය පිළිබදව අදහස් දක්වමින් නේපාල පුහුණුකරු බිනෝද් කුමාර් ඩෑෂ් මාධ්‍යයට පවසා තිබෙනවා.
තමන් බලාපොරොත්තු නොවු අයුරින් නේපාල කණ්ඩායම ක්‍රීඩා කළ බවත් , ඔවුන්ගේ ක්රිකට් අනාගතයට තමන් සුභ පතන බවත් ඉන්දීය පුහුණුකරු රාහුල් ඩ්‍රාවීඩ් නේපාල කණ්ඩායම හමුවේ ඉන්දීය යොවුන් කණ්ඩායම ලැබූ පරාජය පිළිබදව මාධ්‍යයට අදහස් දක්වමින් පවසා තිබුනා,.
තරගයේ ලකුණු තත්ත්වය
නේපාල යොවුන් කණ්ඩායම පන්දුවාර 50 කදී කඩුලු 8ට ලකුණු 185 යි. (ජිමේන්ද්‍ර තාකුර් 36, දිපේන්ද්‍ර සිංග් 88, අභිෂේක්‌ ෂර්මා 38/2 යි.)
ඉන්දියානු යොවුන් කණ්ඩායම පන්දුවාර 48.1 කදී සියල්ල දැවී ලකුණු 166 යි. (හිමන්සු 46, මනෝර් කල්රු 35, අභිෂේක්‌ ෂර්මා 27, දිපේන්ද්‍ර සිංග් 39/4 යි.)
(under the courtesy of nethnews.lk news web)
