ජාතික තරුණසේවා සභාවෙන් ගමට කෝටියක් වැඩසටහන යටතේ පළාත් නවයම ආවරණය වන පරිදි විශේෂ සංවර්ධන ව්‍යාපෘති 3000ක් ක්‍රියාත්මක වන බවත්, මේ යටතේ මාතලේ දිස්ත්‍රික්කයේ ව්‍යාපෘති 117ක් වෙනුවෙන් රුපියල් ලක්ෂ 175ක මුදලක් ලැබී ඇති බවත් ජාතිත තරුණ සේවා සභාවේ සහකාර අධ්‍යක්ෂ එල්.කේ. රත්නායක මහතා පවසයි.
ග්‍රාමීය මට්ටමේ පවතින ගැටළු හදුනාගෙන ප්‍රදේශයේ තරුණ තරුණියන්ගේ මුලිකත්වයෙන් මෙම ව්‍යාපෘති ක්‍රියාත්මක කිරීමට නියමිතය.
ව්‍යාපෘතියක් වෙනුවෙන් එක් ලක්ෂ පනස් දහසක මුදලක් රජය මගින් ලබාදුන්න ද එම ව්‍යාපෘතිවල භෞතික නිමි වටිනාමක ලක්ෂ තුනකට වඩා වැඩි බවද රත්නායක මහතා පැවසීය.
ගමට කෝටියක් වැඩසටහන තුළින් ගමේ තරුණ තරුණියන්ගේ කණ්ඩායම් හැගීම, අභියෝග ජයගැනීම හා ගැටළු කළමනාකරණය කිරීමට තරුණ තරුණියන් හුරුකරවීමද මෙමගින් අපේක්ෂා කෙරේ.
මෙම ව්‍යාපෘති ඇගැයීමකට ලක්කර හොඳම ව්‍යාපෘති 10 සමාජිකයන් සඳහා විදේශ සංචාර ලබාදීමටද කටයුතු කරන බවද සහකාර අධ්‍යක්ෂවරයා පැවැසීය.
(under the courtesy of adaderana news web)
previous post
