උතුරු පළාත් සභාවේ හටගෙන ඇති අර්බුද සහ පළාත් ප්රධාන අමාත්යය සී.වී.විග්නේෂ්වරන් මහතාගේ ක්රියාකලාපය පිළිබද ඉලංකෙයි තමිල් අරසුකච්චි පක්ෂයේ විශේෂ සාකච්ඡාවක් යාපනය ප්රදේශයේ දී පවත්වා තිබේ.
පක්ෂ නායක මාවෙයි සේනාධිරාජා මහතාගේ ප්රධානත්වයෙන් පැවති මෙම සාකච්ඡාව සඳහා ඉලංකෙයි තමිල් අරසුකච්චි පක්ෂය නියෝජනය කරන පාර්ලිමේන්තු මන්ත්රීවරුන් පළාත් සභා මන්ත්රීවරුන් ඇතුළු පිරිසක් එක්ව සිටි බව අද දෙරණ වාර්තාකරු සඳහන් කළේය.
විග්නේෂ්වරන් මහතා පක්ෂයේ තීරණවලට පිටුපා කටයුතු කිරීම සහ පක්ෂයේ යෝජනාවලට ඔහු එකඟ නොවීම සම්බන්ධයෙන් මෙහිදී වැඩි අවධානයක් යොමුවී තිබේ.
ඒ අනුව පක්ෂයේ තීරණ නොසලකා කටයුතු කරන නියෝජිතයින් සම්බන්ධයෙන් ඉදිරියේ දී මධ්යම කාරක සභාව රැස්වී තීරණයක් ගත යුතු බවට ද එහිදී තීරණය වී ඇති බව සඳහන්ය.
(under the courtesy of nethfm news web)
