ඔස්ට්‍රේලියානු බංග්ලාදේශ තරගය ජය පරාජයෙන් තොරයි

ශූරයන්ගේ කුසලාන ක්‍රිකට් තරගාවලිය යටතේ ඔස්ට්‍රේලියානු කණ්ඩායම සහ බංග්ලාදේශ කණ්ඩායම අතර පැවති තරගය ජය පරාජයෙන් තොරව අවසන් වී තිබේ.
වර්ෂාවෙන් තරගයට බාධා එල්ල වීම හේතුවෙන් එය නවතා දැමීමට තරග විනිසුරුවරුන් තීරණය කළේය.
ඒ අනුව කණ්ඩායම් දෙකට එක් ප්‍රසාද ලකුණ බැගින් හිමි වී තිබේ.
තරගයේ කාසියේ වාසිය දිනූ බංග්ලාදේශ කණ්ඩායම ප්‍රථමයෙන් පන්දුවට පහරදීමට තීරණය කළේය.
ඒ අනුව ඔවුන් පන්දුවාර 44යි පන්දු තුනක් අවසානයේ සියලු ක්‍රීඩකයින් දැවී ලකුණු 182ක් ලබා ගත්තේය.
පිළිතුරු ඉනිම සඳහා පිටියට පිවිසි ඔස්ට්‍රේලියානු කණ්ඩායම පන්දුවාර 16ක් අවසානයේ එක් කඩුල්ලක් දැවී ලකුණු 83ක් ලබා සිටියදී තරගයට වර්ෂාවෙන් බාධා එල්ල විය.
ඒ අනුව තරගය නවතා දැමීමට තරග විනිසුරුවරුන් තීරණය කළේය.
(under the courtesy of adaderana news web)