වැසි අඩු වුනත් නැවතිල්ලක් නැහැ

ඇතැම් ප‍්‍රදේශවලට අදත් මිලි මීටර් 75 ඉක්කමවූ වර්ෂාවක් අපේක්ෂා කරන බව කාලගුණ විද්‍යා දෙපාර්තමේන්තුව පවසනවා.
තද සුළං සහ අකුණු ගැසීම් ද ඇති විය හැකි බවයි එහි කාර්යයේ නියුතු කළගුණ විද්‍යාඥ දර්ශන ශමිල් පේ‍්‍රමතිලක පැවසුවේ.
එහිදී ඔහු සඳහන් කළේ “අද වැසි තත්ත්වයේ අඩුවක් දක්නට ලැබුණත් නැවතත් නිරිතදිග ප්‍රදේශවලට හෙට සිට අපේක්ෂා කරන්න පුළුවන්. කෙසේවෙතත් අද දින දිවයිනේ බස්නාහිර, සබරගමුව, දකුණ, මධ්‍යම සහ වයඹ පළාත්වල විටින් විට වැසි හෝ ගිගුරුම් සහිත වැසි ඇති වේවි.” යනුවෙනි.
රට වටා මුහුදු ප‍්‍රදේශවල ද අද වරින් වර තද සුළං සහ වැසි ඇති විය හැකියි. ධීවර සහ නාවික ප‍්‍රජාව ඒ පිළිබඳ විමසිලිමත් විය යුතු බව මෙහිදී සිහිපත් කෙරුණා.
(under the courtesy of nethfm news web)