රජයේ වාහන අවභාවිත කිරීමේ සිද්ධියක් සම්බන්ධයෙන් චෝදනා ලැබ සිටින ජාතික නිදහස් පෙරමුණේ නායක පාර්ලිමේන්තු මන්ත්රී විමල් වීරවංශගේ ඇප අයදුම කොළඹ මහාධිකරණය විසින් අද (21) ප‍්‍රතික්ෂේප කරනු ලැබුවා.
ඒ විමල් වීවරංශ මන්ත‍්‍රීවරයාගේ නීතීඥයින් ගොනු කර තිබූ ප‍්‍රතිශෝධන පෙත්සමක් සලකා බලමින්.
කොළඹ කොටුව මහේස්ත‍්‍රාත් අධිකරණය තම සේවා දායකයා දිගින් දිගටම රක්ෂිත බන්ධනාගාර ගත කිරීම හේතුවෙන් විමල් වීරවංශ මන්ත‍්‍රීවරයාගේ නීතීඥයින් මෙම ප‍්‍රතිශෝධන පෙත්සම කොළඹ මහාධිකරණය හමුවට ගොනු කර තිබුනා.
කෙසේ වෙතත් අදාල පෙත්සම ගාස්තු රහිතව නිශ්ප‍්‍රභ කිරීමටයි මහාධිකරණ විනිසුරු විකුම් කළුආරච්චි නියෝග කළේ.
පොදු දේපළ පනත යටතේ විමල් වීරවංශ මන්ත‍්‍රීවරයාට චෝදනා ගොනුකර ඇති බවත් එම නිසා කොළඹ කොටුව මහේස්ත‍්‍රාත්වරයාගේ තීරණයේ දෝශ රහිත බවත් මහාධිකරණ විනිසුරුවරයා මෙහි දී ප‍්‍රකාශ කලා.
සැකකරුට ඇප ලබා දීමට තරම් ප‍්‍රමාණවත් සාක්ෂි ඉදිරිපත්ව නොමැති බව ද මෙහි දී ප‍්‍රකාශ කෙරුනා.
මේ අතර ඊයේ දිනයේ කොළඹ කොටුව මහේස්ත‍්‍රාත්වරයා හමුවට ඉදිරිපත් කෙරුණු පාර්ලිමේන්තු මන්ත්රී විමල් වීරවංශ අපේ‍්‍රල් මස 03 වනදා දක්වා යළි රක්ෂිත බන්ධනාගාරගත කෙරුනා.
(under the courtesy of nethfm news web)
previous post
