අත්භූත චිත්‍රපට මාලාවක් වන Rings චිත්‍රපට මාලාවේ නවතම චිත්‍රපට පසුගිය 03වනදා හොලිවුඩයෙන් ප්‍රේක්ෂකයන් අතරට පත්වුණා.2002 වසරේ සහ 2005 වසර වලදී නිකුත්වූ Rings චිත්‍රපට දෙක ප්‍රේක්ෂකයන් අතර කතා බහට ලක්වන චිත්‍රපට බවට පත්විම විශේෂත්වයක්.
පසුගියදා ප්‍රදර්ශනය ආරම්භ කළ Rings චිත්‍රපටය හොලිවුඩ් චිත්‍රපට අධ්‍යක්ෂ F.Javier Gutiérrezගේ අධ්‍යක්ෂණයක්.
Matilda Anna Ingrid Lutz, Alex Roe, Johnny Galecki වැනි රංගන ශිල්පින් ශිල්පිනියන් මෙම නිර්මාණය සදහා රංගනයෙන් දායක වී ඇති අතර David Loucka සහ Jacob Estes විසින් මෙහි පිටපත නිර්මාණය කර තිබෙනවා.
මෙම චිත්‍රපට මාලාවේ අනෙකුත් චිත්‍රපටවල මෙන් නොසිතන වේලාවක ලැබෙන අත්භූත වී‍ඩියෝ පටයක් ජිවිතයකට සිදුකරන බලපෑම මෙම කතාව තුලද දිගහැරෙනවා.
ඩොලර් මිලියන 25ක වියදමක් දරමින් නිෂ්පාදනය කර ඇති Rings චිත්‍රපටය මිනිත්තු 102ක කාලයක් තුල වෙනස්ම ආකාරයේ කතාවක් ප්‍රේක්ෂකයන් වෙත ගෙන එන බවයි එහි නිෂ්පාදකයන් පවසන්නේ.
චිත්‍රපටයේ පුර්ව ප්‍රචාරක පටය පහතින්.
