ශ්‍රී ලංකාව තුළ ඉන්දීය රුපියල භාවිතයට ගැනීම පිළිබඳව සලකා බලන බව ශ්‍රී ලංකා විදේශ අමාත්‍ය මොහොමඩ් අලි සබ්රි මහතා ඉන්දීය මාධ්‍ය වෙත සඳහන් කර ඇත.
ඉන්දියානු මුදල් ඒකකය ශ්‍රී ලංකාවේදී භාවිතා කළ හැකි මුදල් ඒකය බවට පත් කිරීම මේ අවස්ථාවේ අවශ්‍යව ඇතැයි ද හෙතෙම හින්දුස්ථාන් ටයිම්ස් පුවත්පත සමග සාකච්ඡාවක දී සඳහන් කර ඇත.
ඒ හරහා ඉන්දියානුවන්ට ශ්‍රී ලංකාව සමග සෘජුව ඔවුන්ගේ මුදල් වලින් ගණුදෙනු කළ හැකි බවත් ශ්‍රී ලාංකිකයන්ටද වෙනත් මුදල් ඒකකයක් මත යැපීමෙන් තොරව ඉන්දියාම සමග කටයුතු කළ හැකි බවත් ඔහු එහිදී පවසා ඇත.
