mediahumanrights.lk
Local News News

මත්ද්‍රව්‍ය ජාවාරම්කරුවන් සමග ඩීල් දැමූ පොලීසියේ 12ක් රක්ෂිත බන්ධනාගාර ගත කෙරේ

මත්ද්‍රව්‍ය ජාවාරම්කරුවන් සමග සබඳතා පැවැත්වීම සම්බන්ධයෙන් අත්අඩංගුවට ගෙන අපරාධ පරීක්ෂණ දෙපාර්තමේන්තුව භාරයේ රඳවා සිටි පොලිස් මත්ද්‍රව්‍ය කාර්යංශයේ නිලධාරීන් 12 දෙනෙකු ලබන 20 වනදා දක්වා රක්ෂිත බන්ධනාගාර ගත කර තිබෙනවා.

ඒ, ඔවුන් කොළඹ ප‍්‍රධාන මහේස්ත‍්‍රාත්වරයා හමුවට අද ඉදිරිපත් කෙරුණු අවස්ථාවේදීයි.

රාගම ප‍්‍රදේශයේදී ඊයේ අත්අඩංගුවට ගැනුණු පොලිස් මත්ද්‍රව්‍ය කාර්යංශයේ පොලිස් කොස්තාපල්වරයා ද අද කොළඹ ප‍්‍රධාන මහේස්ත‍්‍රාත්වරයා හමුවට ඉදිරිපත් කෙරුණා.

එහිදී එම සැකකරුගෙන්  දින 07ක් රඳවා තබාගෙන ප‍්‍රශ්න කිරීමටයි අපරාධ පරීක්ෂණ දෙපාර්තමේන්තුවට අධිකරණය අවසර ලබාදී ඇත්තේ.  

මත්ද්‍රව්‍ය ජාවාරම්කරුවන් සමග සබදතා පැවැත්වීම සම්බන්ධයෙන් පොලිස් මත්ද්‍රව්‍ය කාර්යංශයේ නිලධාරීන් 18 දෙනෙකු මේවනවිට පොලීසිය මගින් අත්අඩංගුවට ගෙන තිබෙනවා. කඩවත පොලීසියට ඊයේ භාරවූ පොලිස් මත්ද්‍රව්‍ය කාර්යංශයේ පොලිස් පරීක්ෂකවරයා ද මෙම 18 දෙනාට අයත්.

ඔහුගෙන් පැය 72 ක් රඳවා තබාගෙන ප‍්‍රශ්න කිරීමටයි අධිකරණය, අපරාධ පරීක්ෂණ දෙපාර්තමේන්තුවට ඊයේ අවසර ලබා දුන්නේ.
(under the courtesy of nethnews.lk news web)

Related posts

ජොන්ස්ටන් නිදොස් කොට නිදහස්

Shiran Viraj

කොරෝනා මඩින්න ශ‍්‍රී ලංකා තේ ලොව පුරා..

Shiran Viraj

පොලිස් නිලධාරීන් 5 දෙනෙකුට මරණ දඬුවම

Shiran Viraj