mediahumanrights.lk
News Political

මහර බන්ධනාගාරයේ සිදුවීමට සජිත් කොමිසමක් ඉල්ලයි

මහර බන්ධනාගාරයේ ඇතිවූ සිද්ධිය සම්බන්ධයෙන් වෙනම කොමිසමක් පත්කර පරීක්ෂණයක් පවත්වන මෙන් විපක්ෂ නායක සජිත් ප්‍රේමදාස මහතා අද(30) පාර්ලිමේන්තුවේදී රජයෙන් ඉල්ලා සිටියේය.

මේ පොකුර ඇතිවූ ආකාරය මෙම සිද්ධියට හේතු මොනවාද යන්නත් වෙනමම සොයා බැලිය යුතු බව විපක්ෂ නායකවරයා කියා සිටියේය.

මේ අතර ලක්ෂ්මන් කිරිඇල්ල මන්ත්‍රීවරයා කියා සිටියේ බෝගම්බර බන්ධනාගාරයේද මෙවැනි සිදුවීම් ඇතිවන බව පෙන්වා දුන්නේය.

මේ අතර මේ පිළිබඳ අදහස් දක්වමින් බන්ධනාගාරවල සිටින ආසාදිතයන් වෙන්කර හඳුනාගැනීමට අවශ්‍ය පියවර ගත් බවත් ප්‍රතිකාර ආදී සියලු දේ ඔවුනට ලබාදුන් බවත් රිමාන්ඩ් බන්ධනාගාරවල තදබදය අඩු කිරීමට අධිකරණ ඇමැති සමග සාකච්ඡා කර මත්ජාවාරම්කරුවන් හා භාවිත කරන්නන් ලෙස දඬුවම් ලැබූවන් අවම වරදවල් කර ඇත්නම් උසාවියට ඉදිරිපත් කර ඇප ලබාදීමට කඩිනමින් කටයුතු යොදන බවත් සුදර්ශනී ප්‍රනාන්දුපුල්ලේ රාජ්‍ය ඇමැතිවරිය ප්‍රකාශ කළාය.

මේ වනවිට මහර ඇතිවූ සිද්ධිය සම්පූර්ණයෙන් පාලනය කර ඇතැයිද මේ පිළිබඳ සොයා බැලීමට රජයට මෙන්ම බන්ධනාගාර අමාත්‍යංශයට ද අවශ්‍ය බවත් මෙයට සම්බන්ධ කවුද යන්න සොයා ඉදිරියේදී මෙවැනි තත්ත්ව අවම කර ගැනීමට කටයුතු කරන බව ද ඇමැතිවරිය කියා සිටියාය.

lankaleadnews

Related posts

කොවිඩ් ආසාදිතයින් 241ක්

Shiran Viraj

ගව ඝාතන තහනමෙන් පසු ගවයන් රැකගන්න විශේෂ වැඩපිළිවෙලක්

Shiran Viraj

කාලගුණයෙන් රතු නිවේදනයක්

Shiran Viraj