mediahumanrights.lk
Local News News

ගිනි ගත් නෞකාවෙන් සාගරයට වුණු හානිය අනාවරණය වෙයි

ශ‍්‍රී ලංකාවට නැගෙනහිර මුහුදේදී ගිනි ගැනීමට ලක්වූ MT නිව් ඩයමන්ඩ් නෞකාවේ ඉන්ධන සාගරයට කාන්දු වී ඇතැයි පරීක්ෂණවලදී අනාවරණ වී තිබෙනවා.

ඒ අනුව සමුද්‍ර දූෂණයක් සිදුව ඇති බවයි සමුද්‍රීය පරිසර ආරක්ෂණ අදිකාරිය විසින් පත් කරන ලද විශේෂඥ කමිටුව සිය වාර්තාව මගින් පෙන්වා දී ඇත්තේ.

අදාළ වාර්තාව ඊයේ (24) පස්වරුවේ නීතිපතිවරයාට ද භාරදුන්නා.

සමුද්‍රීය පරිසර ආරක්ෂණ අධිකාරියේ සභාපති නීතීඥ දර්ශනී ලහඳපුර නෙත් නිවුස් වෙත කියා සිටියේ විශේෂඥ කණ්ඩායමක් විසින් අදාළ වාර්තාව සකස් කළ බවයි.

නෞකාව අයත් සමාගමට ඉදිරියේදී අදාළ වාර්තාවේ විස්තර ලබාදීමට නියමිත බව ද සමුද්‍රීය පරිසර ආරක්ෂණ අධිකාරියේ සභාපතිවරිය ප‍්‍රකාශ කළා. ඉදිරි පියවර ගනු ලබන්නේ ඉන් පසුව බවයි ඇය සඳහන් කළේ.

ගිනි ගැනීමට ලක්වූ MT නිව් ඩයමන්ඞ් නෞකාවේ ගින්න නිවීමට මැදිහත්වූ මෙරට ආයතන සඳහා මූලික වන්දි ගෙවීමක් ලෙස රුපියල් මිලියන 340 ක් ගෙවීමට නෞකාව හිමි සමාගම එකගතාව පළ කර තිබෙනවා.

කෙසේවෙතත් ඒ සඳහා තවත් රුපියල් මිලියන 100 ක් ලබාදෙන ලෙසයි නීතිපතිවරයා නෞකා අයත් සමාගමට දැනුම් දී ඇත්තේ.

(under the courtesy of nethnews.lk news web)

Related posts

ජන්ද විමසීම සාමකාමිව අවසන් වෙයි : ජන්ද ගණන් කිරිම හෙට

Shiran Viraj

අගමැතිට ගෞරව සම්මාන ආචාර්ය උපාධියක්

Shiran Viraj

දෙසැම්බර් 31කට කළින් ලංකාවට බිහිසුණු සුනාමියක් – ඉන්දියන් සාගරයේ මාරාන්තික භූකම්පනයක්

Shiran Viraj